У Палацы Рэспублікі пачынаецца ўрачыстая цырымонія ўзнагароджання лаўрэатаў прэстыжнай нацыянальнай прэміі "За духоўнае адраджэнне" і спецпрэмій Прэзідэнта Беларусі. Штогод у гэтыя калядныя дні прынята адзначаць заслугі людзей, чыя праца прасякнута ідэямі гуманізму. Гэта ўзнагароды за творчасць і духоўнасць. Іх уручае асабіста Кіраўнік дзяржавы. Сярод лаўрэатаў па выніках 2018 людзі розных прафесій - прадстаўнікі культуры, майстры сцэны, святары, сацыяльныя работнікі. Гэта людзі, якія беражліва захоўваюць і прымнажаюць самае дарагое, што ёсць у нас - культуру, традыцыі, духоўнасць і гісторыю. Сваёй працай, служэннем народу яны робяць асаблівы ўнёсак у справы міласэрнасці і дабрачыннасці.
