Віцебская "Фармацыя" перайшла на кругласутачны рэжым працы

4 Красавіка 2020
Каб цалкам задаволіць патрэбнасці жыхароў рэгіёна, віцебская "Фармацыя" перайшла на кругласутачны рэжым працы. У сярэднім за дзень толькі ў дзяржаўнай аптэчнай сетцы Віцебскай вобласці распрадаюць каля 50 тысяч ахоўных масак. Пастаўкі сродкаў абароны вядуць 16 прадпрыемстваў Беллёгпрама.

Алена Арлова, гендырэктар РУП "Фармацыя": "Мы развозім сродкі індывідуальнай абароны раніцай, у абед, увечары па меры паступлення. У першую чаргу ў аптэкі чацвёртай катэгорыі, якія размешчаныя ў арганізацыях аховы здароўя. Аптэкі пятай катэгорыі, якія размешчаныя ў гандлёвых цэнтрах, магазінах. І, зразумела, у буйныя аптэкі горада Полацка, Наваполацка".

Яшчэ ў сакавіку "Фармацыя" зрабіла заяўку на набыццё больш як мільёна шасцісот тысяч масак. Вялікую партыю ўжо адправілі ў аптэкі вобласці.