І вось яшчэ адзін прыклад, як правільны падыход разам з найноўшымі тэхналогіямі становіцца асновай паспяховага вядзення бізнесу. Найбуйнейшы рэтэйлер Беларусі "Еўраопт" адкрыў свой віртуальны гіпермаркет зараз і для жыхароў яшчэ двух абласных цэнтраў. Пакупнікі з Гродна і Гомеля ўжо паспелі ацаніць выгоды анлайн-пакупак і шырокі асартымент тавараў. Як адзначаюць эксперты, е-дастаўка - гэта па-сапраўднаму еўрапейскі гандлёвы сэрвіс, які пакіне доўгія чэргі ў мінулым і сэканоміць час для сям'і і адпачынку.
Як арганізаваная праца віртуальнага гіпермаркета - рэпартаж Дзмітрыя Смірнова.
Зараз у Гродне ў службе е-дастаўкі 50 аўтамабіляў. Зрабіць анлайн-заказ можна не толькі седзячы ля камп'ютара, але і з дапамогай планшэта або нават праз мабільны тэлефон. Некалькі клікаў - і ваш спіс пакупак у супрацоўніка віртуальнага гіпермаркета "Еўраопт". Ён асабіста выбера ўсе прадукты, запакуе і перадасць кур'еру.
Найбуйнейшы рэтэйлер падбаў пра выгоду пакупнікоў. Любы заказ, а выбраць можна больш як з 8000 найменняў, кур'ер даставіць дадому на працягу дзвюх гадзін.
З аплатай таксама ніякіх праблем. Тут тры варыянты - адразу праз камп'ютар або тэлефон пасля зробленага заказу, наяўнымі грашыма кур'еру або банкаўскай карткай пасля дастаўкі тавару.
Сёння - гэта адзіны падобны анлайн-сэрвіс дастаўкі прадуктаў харчавання еўрапейскага ўзроўню ў краіне. Анлайн-гіпермаркет ужо працуе ў Мінску, Гродне і Гомелі. А таксама штодня са сталіцы адпраўляюцца заказы ў малыя гарады - Ашмяны і Астравец.
У краінах Заходняй Еўропы, у ЗША, Канадзе, Аўстраліі інтэрнэт-гандаль, у тым ліку і прадуктамі харчавання, займае ў агульным аб'ёме ўсё больш важкую долю. У Вялікабрытаніі ўжо сёння больш як 20% тавараабароту забяспечваюць менавіта віртуальныя магазіны.
У найбліжэйшыя дні заказаць прадукты анлайн ужо змогуць жыхары Брэста і Віцебска. Аднак гэта толькі пачатак для віртуальнага гіпермаркета "Еўраопт". У планах рэтэйлера - маштабнае пашырэнне асартыменту, у тым ліку для прэміум-сегмента. Адначасова з гэтым павялічыцца і зона дастаўкі прадуктаў. У кампаніі ўпэўненыя: магчымасць карыстацца паслугамі інтэрнэт-гіпермаркета павінна быць ва ўсіх жыхароў Беларусі, таму да канца 2016 плануюць пашырыць е-дастаўку па ўсёй тэрыторыі краіны. Хутка ўжо вядомыя на гарадскіх вуліцах аранжавыя аўтамабілі будуць гатовыя і для самага далёкага заказу.
