Праверку з паветра для злаўлення браканьераў арганізавалі і інспектары аховы расліннага і жывёльнага свету. Звязана гэта з часовай - двухмесяцовай - забаронай на лоўлю рыбы, якая ідзе на нераст. Летась за гэты перыяд амаль у кожным рэйдзе, а іх было каля 2 тысяч, выявілі нелегальныя факты вылаву. Супрацоўнікі дзяржінспекцыі гавораць, што папоўніць такія страты немагчыма.
Для відэаназірання за браканьерамі абаронцы флоры і фауны выкарыстаюць новыя прыборы відэаназірання, у тым ліку і начныя. Дзяржінспектары ўпэўнены, што задзейнічаныя авіяцыя і беспілотнікі сёлета не дадуць браканьерам ніякіх шанцаў.
