Акцыю пад назвай Цягнік памяці падтрымалі і сталічныя навучальныя ўстановы. Дваццаць дзевяць ветэранаў увайшлі ў склад дэлегацыі. Сярод іх удзельнікі аперацыі Баграціён, якія вызвалялі Мінск і Беларусь ад нямецка-фашысцкіх захопнікаў. У праграме сустрэчы з мінчанамі - удзельнікамі вайны, студэнцкай моладдзю і сацыяльнымі работнікамі, наведванне Музея Вялікай Айчыннай вайны і Хатыні.
Навучэнцы 29-й сталічнай гімназіі распавялі пра сваіх родных, якія ваявалі на франтах Вялікай Айчыннай вайны, і выказалі ветэранам з Расіі сваю падзяку за подзвіг. Дэлегацыя прабудзе ў Мінску да 19 кастрычніка, потым адправіцца ў Брэст.
