Расследаванне праводзіла галоўнае ўпраўленне Следчага камітэта Беларусі, нагляд - Генеральная пракуратура. З улікам рэзанансу для вызначэння падсуднасці справа была накіравана ў вышэйшую інстанцыю.
Сёння вядома, што траіх вайскоўцаў 72-га вучэбнага цэнтра абвінавачваюць адразу па некалькіх артыкулах, а менавіта "Крадзеж", "Атрыманне хабару" і "Перавышэнне ўлады, што пацягнула цяжкія наступствы".
Анжаліка Курчак, начальнік аддзела інфармацыі Генеральнай пракуратуры Беларусі:
"Пасля праверкі матэрыялаў крымінальнай справы пракурор прыйшоў да высновы аб абгрунтаванасці абвінавачання, наяўнасці дастатковых і дапушчальных доказаў вінаватасці абвінавачаных. Згадзіўся з крымінальна-прававой кваліфікацыяй іх дзеянняў. Вярхоўны суд вырашыць, якога ўзроўню суд будзе разглядаць гэту справу па першай інстанцыі".
Нагадаем, трагедыя ў Пячах здарылася ў кастрычніку мінулага года. Салдат тэрміновай службы Аляксандр Коржыч быў знойдзены мёртвым на тэрыторыі часці ў Барысаве. Абвінавачаныя знаходзяцца пад вартай.
