Што ж, пачуць кожнага - важна і ў звычайнай гутарцы, і ў рашэнні праблем... Зрэшты, і тут галоўнае - індывідуальны падыход. І вось яшчэ адзін прыклад эфектыўнай працы з грамадзянамі. Да старшыні дзяржкантролю звярнулася пенсіянерка з Мінска з просьбай разабрацца ў сітуацыі. Падчас капітальнага рамонту ў яе кватэры змянілі шлях газавых камунікацый. Згодна з новым праектам, газаправод праходзіў праз жылы пакой. Гэта адпавядала нормам, але ніяк не задавальняла гаспадыню кватэры. На мясцовым узроўні вырашыць праблему не атрымалася. У выніку за яе ўзяліся супрацоўнікі дзяржкантролю. Як павысіць эфектыўнасць працы на месцах, разбіраўся Юрый Шаўчук.
Валянціна Сурыкава расказвае, як яе кватэра выглядала яшчэ літаральна тыдзень назад. Бойлерную станцыю апартаменты сталі нагадваць пасля таго, як у доме № 3 па вуліцы Пуліхава пачаўся капітальны рамонт. Справа ў тым, што па новых нормах, газавыя камунікацыі забаронена было пракладаць па старым шляху - да гэтага труба ішла праз ванны пакой. У выніку газаўшчыкі, выконваючы новы праект, правялі газ праз жылы пакой.
У выніку даказваць, што газавая труба праходзіць не па калідоры, а праз жылы пакой, пенсіянерцы прыйшлося некалькі месяцаў.
Была сустрэча і з камунальшчыкамі, і візіт у Партызанскі райвыканкам. Не дапамагло нічога. Да таго моманту ўрач са стажам ужо завочна атрымала тэхнічную адукацыю. У бібліятэках жанчына вывучыла ўсе нормы і рэгламенты па праводцы газавага абсталявання, таму была на 100 % упэўненая, што праўда на яе баку. Але тады гаспадыня кватэры так і змагла гэта камусьці растлумачыць.
Як высветлілася ўжо пасля першага візіту да кантралёраў, варыянты ёсць. Рэвізоры знайшлі 4 шляхі, як можна было правесці газаправод. Але самым простым і эканамічным апынуўся ранейшы варыянт, па якім трубы ішлі праз ванны пакой. Праўда, тут была цяжкасць у тым, што дзеючыя нормы забаранялі праводзіць камунікацыі праз санвузел. Але было б жаданне, а вырашыць праблему можна заўсёды, гавораць кантралёры.
Карацей, гэты выпадак стаў прэцэдэнтам, з-за якога ў заканадаўства былі ўнесены змены. І як гавораць спецыялісты, гэта пойдзе толькі на карысць, бо такіх індывідуальных выпадкаў, як у Валянціны Сурыкавай, шмат. У выніку трубы ў кватэры жанчыны ўсё-такі пераклалі. Вырашыць пытанне атрымалася літаральна за тыдзень.
Гэты выпадак добра апісвае інцыдэнты, якія часам здараюцца "на месцах". Часта прадстаўнікі мясцовых органаў кіравання, нават не ўнікаючы ў праблему чалавека, адмаўляюць яму. У выніку людзям прыходзіцца ісці па вялікім крузе і звяртацца ў вышэйстаячыя інстанцыі. І так ужо атрымліваецца, што пасля далучэння тых жа кантралёраў, справа зрушваецца з мёртвага пункта. Узнікае лагічнае пытанне, няўжо нельга без указання зверху, разабрацца ў праблеме чалавека, і калі гэта магчыма, проста дапамагчы яму, не прыцягваючы кантралюючыя органы.
Толькі летась кантралёры ўмяшаліся ў 15 тысяч дыялогаў паміж людзьмі і мясцовымі органамі кіравання. Вось толькі пакуль за справу не браўся дзяржкантроль - гэтыя зносіны больш нагадвалі маналог. Людзі спрабавалі даказаць, што іх меркаванне мае права на існаванне, а мясцовыя ўлады, затуляючыся заканадаўчымі актамі, адказвалі адпіскамі. Як толькі за справу браліся кантралёры, чыноўнікі падыходзілі да справы зусім інакш.
Але на гэтым праца рэвізораў не сканчаецца. Па кожным звароце праводзіцца праверка, і калі кантралёры бачаць, што мясцовыя ўлады маглі дапамагчы чалавеку, але скажам, проста не захацелі, з імі праводзяць сур'ёзную гутарку. Толькі летась за бяздзейнасць да адказнасці было прыцягнутае паўтысячы чыноўнікаў. Меры самыя розныя: ад штрафу да звальнення. Дарэчы, сваю працу супрацоўнікі КДК працягнуць і на гэтым аб'екце. Справа ў тым, што капітальны рамонт у гэтым доме павінен быў скончыцца яшчэ ў снежні. На носу ўжо люты, а працы працягваюцца і па гэтай дзень. Але гэта ўжо тэма для іншага матэрыялу.
