Бытавыя пытанні неабходна вырашаць на месцах, выразна аргументуючы людзям тое або іншае рашэнне, заявіў намеснік кіраўніка Адміністрацыі Прэзідэнта Валерый Міцкевіч падчас асабістага прыёму ў Дзятлаве. Праблемы датычыліся розных сфер - заканадаўства ў сферы ЖКГ, развіцця бізнесу. Грамадзян хвалявала добраўпарадкаванне і стан пад'ездаў, паляпшэнне жыллёвых умоў шматдзетных сем'яў. У Міністэрства па працы і сацыяльнай абароне будзе перададзены зварот пенсіянера з пасёлка Гезгалы. У яго не быў улічаны стаж працы на адным з прадпрыемстваў у Расіі, таму і пенсія менш, чым магла бы быць. Паколькі віна ў гэтым прадпрыемства, то яно і павінна пакрыць страты, толькі выконваць свае абавязацельствы там не спяшаюцца. Нямала пытанняў падчас прыёму датычылася судовых рашэнняў, дзейнасці праваахоўных органаў.
Па кожным з пытанняў сённяшняга прыёму ў Дзятлаве былі дадзеныя выразныя тлумачэнні і канкрэтныя парады. Найболей праблемныя сітуацыі ўзятыя пад асабісты кантроль.
