Адміністрацыйна-прававыя санкцыі неабходна аптымізаваць. Гэтае меркаванне выказаў першы намеснік старшыні Вярхоўнага суда Беларусі Валерый Калінковіч.
У прыватнасці, у некаторых правапарушэннях такую меру, як штраф, плануецца выключыць у якасці ніжняй планкі пакарання. Пры наяўнасці змякчальных акалічнасцяў адміністрацыйнае можа быць выключана, а паняцце "малазначнасці ўчыненай дзеі" неабходна ўніфікаваць. Такім чынам, Вярхоўны суд Беларусі пашырае практыку ўжывання скаргаў і пратэстаў па справах аб адміністрацыйных правапарушэннях. Гэта адна з мер па ўдасканаленні заканадаўства, улічваючы, што адпаведныя кодэксы дзейнічаюць на працягу 10 гадоў.
Валерый Калінковіч, першы намеснік старшыні Вярхоўнага суда Беларусі: "Падчас разгляду кожнай справы, будзь то крымінальная або справа аб адміністрацыйным правапарушэнні, калі гаворка ідзе аб ужыванні мер адказнасці, аб накладанні адміністрацыйнага спагнання, прызначэнні крымінальнага пакарання, павінен выконвацца прынцып індывідуалізацыі адказнасці. У адпаведнасці з гэтым прынцыпам суды і падыходзяць да разгляду кожнай справы. Калі адзін з бакоў не згодны з прынятым судовым рашэннем, ён мае права яго абскардзіць, у тым ліку - у рамках тых прававых інструментаў, аб якіх сёння пойдзе размова на пасяджэнні пленума Вярхоўнага суда. Выдумкі, якія распаўсюджваюцца некаторымі рэсурсамі і СМІ, што суды дзейнічаюць па нейкай зададзенай праграме, не адпавядаюць рэчаіснасці і з'яўляюцца не чым іншым, як спробамі ачарніць беларускае правасуддзе ў вачах неазнаёмленых у пытаннях права грамадзян".
У Беларусі працягваецца праца над удасканаленнем заканадаўчай і праваўжывальнай базы. У прыватнасці, рабочая група, у якую ўваходзяць і спецыялісты судовай галіны, выпрацоўвае меры аптымізацыі адказнасці ў шматлікіх сферах. У тым ліку і эканамічнай.
