25 октября 2019
З воінскімі ўшанаваннямі на мемарыяле ў вёсцы Заронава перапахавалі астанкі 144 салдат Вялікай Айчыннай і 10 мірных жыхароў. Яны былі знойдзеныя гэтым летам падчас пошукавых работ. Па ўзнагародах атрымалася ўстанавіць імёны двух воінаў: выхадца Алматы Аляксея Копысава і 19-гадовага Мікалая Лебедзева з Маскоўскай вобласці. Сваякоў апошняга атрымалася адшукаць. Сёння ім перадалі медаль "За адвагу", знойдзены з астанкамі салдата.
Сяргей Юлюкевіч, член МААТ "Дабрачынны ваенна-гістарычны пошукавы клуб "Памяць і прымірэнне" (Расія): "Палкавое пахаванне было няўлічанае, братэрская магіла. Два гады мы яе ўжо капалі, ніякіх не было апазнавальных знакаў - хто там ляжыць, відаць было, што салдаты, патроны, гранаты. Прыемна было нарэшце хоць аднаго чалавека апазнаць".
Ніна Чуканава, пляменніца Мікалая Лебедзева: "Яго мама, мая бабуля Лебедзева Акуліна Ільінічна чакала яго ўсё сваё жыццё. Нават выказаць не можам сваю падзяку, што зараз знойдзены ён, і мы супакоімся".
Імёны амаль 3000 салдат адноўленыя
Толькі сёлета ў выніку пошукавай работы ў Віцебскай вобласці сталі вядомыя імёны амаль трох тысяч салдат. Шэсць тысяч імёнаў нанесены на пліты братэрскіх магіл і мемарыялаў.
