Ва Узброеных Сілах Беларусі працягваецца праверка баявой гатоўнасці

Другі этап прадугледжвае маніторынг падраздзяленняў сіл спецыяльных аперацый. Віцебскія і брэсцкія дэсантнікі перамясціліся ў раёны засяроджвання і пачалі выконваць вучэбна-баявыя задачы. Напрыклад, байцы 103-й брыгады пасля маршу ў прызначаны раён адпрацавалі пытанні маскіроўкі, аховы і разведкі. Асноўная ўвага на гэтым этапе вучэння надавалася пытанням зладжвання батальёнаў і падраздзяленняў забеспячэння. Гэта значыць работа ў тандэме. А ўжо на палігоне Даманоўскі са сродкамі ўзмацнення правялі батальённыя тактычныя вучэнні дэсантнікі 38-й Брэсцкай брыгады. Гэтыя манеўры - чарговы этап удасканалення падраздзяленняў сіл спецыяльных аперацый для барацьбы з тэрарызмам, а таксама праверка іх здольнасці выканаць пастаўленыя задачы ў любых умовах.