У Валожынскім сацыяльным цэнтры абмяркоўваліся пытанні інклюзіўнай адукацыі і магчымасць стаць запатрабаваным у грамадстве

22 сентября 2021

Пытанні інклюзіўнай адукацыі і магчымасць стаць запатрабаваным у грамадстве  для  людзей з абмежаванымі фізічнымі магчымасцямі і асаблівасцямі развіцця абмяркоўваліся падчас круглага стала «Сям'я і інклюзіўнае грамадства» ў Валожынскім сацыяльным цэнтры. Акрамя дэпутатаў, прадстаўнікоў розных сфер, у абмеркаванні  прымалі ўдзел і бацькі дзяцей-інвалідаў, дарослыя выхаванцы Івянецкага дома-інтэрната, людзі з абмежаванымі фізічнымі магчымасцямі, якія, нягледзячы на такія акалічнасці, дасягнулі значных поспехаў у жыцці і бізнесе.

Выхаванцы  Валожынскага раённага цэнтра карэкцыйна-развіваючага навучэння і рэабілітацыі  падрыхтавалі выставу сваіх сувенірных вырабаў «Беларускі куток». На інтэрактыўных  пляцоўках  дзеці ўдзельнічалі ў майстар–класах па стварэнні сувеніраў,  выпяканні бліноў. 

Падчас сустрэчы таксама абмяркоўваліся пытанні інтэграцыі людзей з абмежаванымі фізічнымі магчымасцямі ў сацыяльнае асяроддзе, варыянты іх працаўладкавання.