Тысячы беларускіх вайскоўцаў прымалі ўдзел у ліквідацыі наступстваў аварыі на чарнобыльскай станцыі. У гонар іх у воінскай часці ўнутраных войскаў у Аколіцы сёння прайшоў урачысты рытуал. Вайскоўцы, ветэраны, родныя і блізкія супрацоўнікаў МУС, тыя, хто ў 1986 годзе быў у Чарнобылі, адкрылі мемарыяльную дошку як даніну памяці.
Аляксандр Дзясятнікаў, старшыня савета ветэранаў в/ч 3310 УВ МУС Беларусі: "Сёння, як ніколі, сабралася вялікая колькасць воінаў-ліквідатараў. Упершыню ў нашай памяці мы адлюстравалі твары тых, хто пайшоў з жыцця, і на мемарыяльнай пліце, і на фатаграфіях, якія трымаюць у руках цяперашняе пакаленне, вайскоўцы нашай часці".
У храме прайшла паніхіда ў гонар памяці воінаў-ліквідатараў аварыі на Чарнобыльскай АЭС. А ў канцы мітынгу-рэквіема пад звон у неба адпусцілі галубоў.