Французскі са знакам якасці! У віцебскай гімназіі № 9 адкрылі знак адрознення Міністэрства адукацыі Францыі Label France Education. Удзел ва ўрачыстасці прыняў Надзвычайны і Паўнамоцны Пасол Францыі ў Беларусі Дыдзье Канес. У нашай краіне гэты знак прысвоены тром гімназіям і адной школе. Гэта выключны вынік. Для параўнання: у Расіі такой ацэнкі ўдастоены толькі тры сярэднія навучальныя ўстановы, а ва Украіне адна.
Пасол Францыі таксама наведаў Віцебскі дзяржаўны ўніверсітэт імя Машэрава. У сценах ВНУ госць азнаёміўся з выставай, прысвечанай 25-годдзю Канстытуцыі Рэспублікі Беларусь, і ацаніў абсталяванасць новага франкафоннага кабінета.
