Якое яно - жыццё без перашкод? Падзеліцца Дзмітрый Цітоў.
Да 2015 года развітаюцца з аналагавым вяшчаннем больш як 60 перадаючых станцый і апошняя будзе станцыя ў Калодзішчах, але сёння, першыя, хто развітваюцца з аналагамі, гэта горад Асіповічы.
Ужо на подступах да Асіповічаў захацелася сказаць: Да лічбы гатовы. Лес дэцыметровых антэн ловяць лічбавы сігнал у прыватным сектары. Жыхары лёгка развіталіся з аналагавым вяшчаннем.
Гэта перадаючая станцыя, пачала першую трансляцыю ў 94-ым годзе. Амаль праз 20 гадоў для 15-тысячных Асіповічаў малюначак набывае высокую якасць. Пакой у цэху больш прасторны, а ККД тэлевізійных перадатчыкаў павялічваецца з 12 да 33%.
У перадаючым цэнтры ўсё выходзіць у лічбавай якасці. 96% беларусаў могуць прымаць лічбавы сігнал, але некаторыя дагэтуль глядзяць у аналагу. Стары малюначак яшчэ будзе паступаць на экраны тэлевізараў жыхароў Асіповіч з прылеглых станцый, але ў будучыні прыйдзецца ўсё-такі аблічбавацца. Да 2015-га аналаг і ўвогуле знікне.
Сёлета аналагавы сігнал знікне таксама ў Жлобіне, Бабруйску і Касцюковічах.
Абзавесціся якасным малюначкам дапамогуць: спецыяльная прыстаўка, калі тэлевізар стары; дэцыметровая антэна больш падыходзіць для прыватнага сектара; або новы TV-прыёмнік.
