Нацыянальны мастацкі музей трансліруе "У цішыні перад світаннем". Беларускія сюжэты пра вайну, напісаныя на паперы памерам з запалкавы пачак, і маштабныя палотны пасля пераможнай эпохі. Новы выставачны праект - да Дня Незалежнасці. У перыметры дзвюх залаў - творы 40-х і пачатку 50-х гадоў. Дакументалістыка праз алей і аловак. На большасці работ можна прачытаць і Мінск.
Рэканструкцыя эпохі праз ткачыху ў бачанні майстра Асаф'ева, сонечны дзень 1958 года і партрэт народнай артысткі БССР Васільевай. Больш за паўсотні карцін і скульптур раскажуць аб адраджэнні краіны з попелу.