У тэхнапарку БНТУ на 3D-прынтары распрацоўваюць ахоўныя маскі і прылады для падачы кіслароду

Каркас маскі друкуецца на прынтары, а ахоўны экран для яго выразаецца на лазерным станку. З аўторка спецыялісты выпусцілі больш за 300 такіх вырабаў і сотню спецыяльных кіслародных сістэм. Медыцынскае абсталяванне было перададзена ў ваенны шпіталь, Мінскі абласны супрацьсухотны дыспансер, Вілейскую цэнтральную бальніцу і сталічныя клінікі. Усе распрацоўкі здзяйсняюцца на бязвыплатнай аснове.

Тэхнапарк БНТУ працуе ў медыцынскай сферы вось ужо 17 гадоў. У асноўным выпускаюць вырабы для траўматалогіі і артапедыі, а таксама для кардыялогіі.