Паводле апошняй афіцыйнай інфармацыі, новы каронавірус стаў прычынай гібелі 107 чалавек, інфікавана 4 з паловай тысячы. Пацверджана 45 выпадкаў за межамі Кітая - у 13 краінах свету.
САЗ заклікае захоўваць спакой.
Пры гэтым кіраўнік Сусветнай арганізацыі аховы здароўя, які знаходзіцца зараз у Кітаі, заклікаў сусветную супольнасць захоўваць спакой і не спрабаваць масава эвакуіраваць сваіх грамадзян. Ва Ухане, які стаў эпіцэнтрам распаўсюджвання новага тыпу каронавіруса, пасля чатырох дзён працы завяршылі будаўніцтва першага з новых будынкаў бальніцы. Ужо праз тыдзень медыцынскі цэнтр пачне абслугоўваць пацыентаў. Як вядома, 11-мільённы горад прыйшлося закрыць на каранцін. Штодня ва Ухань з суседніх рэгіёнаў прыбываюць саставы з медыкаментамі, свежай гароднінай і садавіной.