Пакаштаваць на смак і запасціся фермерскім ураджаем можна і ў гэтыя выхадныя. У сталіцы разгорнуцца 17 кірмашоў, на якіх набыць вітамінныя восеньскія дары можна па прымальных цэнах.
На сельгаскірмашы ля «Чыжоўка-Арэны» на гэты раз прадукцыю прапануе Гродзенская вобласць. Гандлёвыя рады размесцяцца і ля Палаца спорту. У продажы свежая гародніна і бульба, мяса-малочныя, рыбныя і хлебабулачныя вырабы.
Гандлёвы восеньскі марафон па традыцыі падтрымаюць і раёны сталіцы. Адрасы кірмашоў каля дома зараз на экране. Прычым, для маламабільных грамадзян і ветэранаў вайны арганізуюць і бясплатную дастаўку прадукцыі. Сельгаскірмашы будуць праходзіць да канца лістапада.