Каб прыцягнуць увагу да двуколай тэхнікі, у незвычайных уборах на дарогу выехалі каля сотні ўдзельнікаў. Аб перавагах міні-байкаў - рэпартаж Андрэя Цімашэнкава.
Уладальнікі самай кампактнай тэхнікі рознакаляровай калонай праехалі ад мотавелазавода ў парк Горкага, прасторы якога ўжо сталі традыцыйным месцам святкавання.
Усім, хто на колах, прызы. Забаўная праграма, цікавыя конкурсы і сапраўдны жывы рок. Сапсаваць настрой удзельнікам не змог нават дождж, які распачаўся перад самам стартам.
За апошнія тры гады фестываль адбыўся толькі двойчы. У мінулым годзе арганізаваць мерапрыемства, на жаль, не атрымалася. Таму Fashion Scooter Fest - 2013 сапраўды стаў доўгачаканым.
Пакуль чакалі, добра падрыхтаваліся. Сваім незвычайным знешнім выглядам удзельнікі прадэманстравалі, што скутар не толькі самы зручны, але і самы крэатыўны від транспарту. На прыз за лепшы касцюм прэтэндуе і аматар мотатэхнікі Тарас. Дарэчы, у летні час скутарыст надае перавагу толькі двухколаму сябру.
Удзел, як прынята ў скутарыстаў, бясплатны. Ахвотнікам праверыць двухколавы тып транспарту на пляцоўцы парку Горкага арганізавалі адкрыты тэст-драйв. А беларускі вытворца мота- і велатэхнікі Мінск прадэманстраваў экспазіцыю сваіх матацыклаў.
З-за спецыфічнай пасадкі гэты від транспарту часта параўноўваюць з крэселкамі. Але, нягледзячы на ўсе камічныя назвы, па манеўранасці і памерах скутар застаецца нумарам адзін - ён здольны ездзіць і лавіраваць там, дзе праход закрыты аўтамабілям і нават матацыклам. Каб пазбегнуць небяспечных сітуацый на дарозе, патруль ДАІ суправаджаў скутарыстаў да самога парку. Паказаць, што скутар не толькі паўнапраўны ўдзельнік дарожнага руху, але і зручны спосаб перамяшчэння па гарадскіх вуліцах - галоўная мэта фестывалю.
