У сталіцы і Мінскай вобласці поўнасцю сфарміраваны харчовы стабфонд

Вырасціць ураджай, якасна яго захаваць і гарантавана прадаць! У сталіцы і Мінскай вобласці поўнасцю сфарміраваны харчовы стабфонд. Запасы толькі цэнтральнага рэгіёна - амаль 20 тысяч тон агародніны і бульбы, а таксама больш за 1700 тон яблыкаў. На міжсезонны перыяд захоўваць і размяркоўваць стабфонд будуць 24 сельгасарганізацыі вобласці. Адзін з буйных вытворцаў - сялянска-фермерская гаспадарка «АграЛайнПлюс» са Смалявіцкага раёна. Тут вялікае агароднінасховішча (на 10 тысяч тон), дзе тэмпературу і мікраклімат кантралюе камп'ютар. З надыходам зімы попыт на агародніну павялічваецца.

Там жа, дзе няма гандлёвых сетак, дзейнічае спажыўкааперацыя. У міжсезонне ў вёсках, напрыклад, Лагойскага раёна агародніну можна купіць дзякуючы рабоце мясцовага спажывецкага таварыства. У прасторным сховішчы ўсе ўмовы і мікраклімат. Тут ужо назапашана на зімоўку больш за 70 тон бульбы, 20 тон цыбулі, 27 тон морквы і буракоў.