Уся інфармацыя з цыфравых "вачэй" будзе сцякацца на вялікія экраны ў адміністрацыйны будынак метрапалітэна. Такі цэнтр відэаназірання дазволіць павысіць бяспеку ў падземным транспарце. Сёння ў метро налічваецца звыш дзвюх тысяч камер відэаназірання. Акрамя гэтага ў падземных пераходах і на платформах метрапалітэна ўсталявалі прылады экстраннай сувязі «пасажыр – дзяжурны па станцыі» і «пасажыр – дзяжурны міліцыянер".
Сёння на ўсіх станцыях метрапалітэна дзейнічаюць і спецыяльныя зоны надгляду. Яны абсталяваны рэнтгенаграфічнымі сканерамі, металадэтэктарамі, сістэмамі аўдыёфіксацыі і відэаназірання.
