25 маладых супрацоўнікаў мінскай міліцыі прынялі прысягу на вернасць Радзіме. Сёлета цырымонія прайшла ў сценах Музея Вялікай Айчыннай вайны. Рытуал урачыстай клятвы праваахоўнікі заўсёды імкнуцца правесці з прывязкай да памятных месцаў. Акрамя ўласна прысягі, сваю першую табельную зброю атрымалі сёння таксама 25 маладых супрацоўнікаў, якія ўжо паспелі прайсці стажыроўку ў падраздзяленнях. Лічыцца, што толькі пасля ўручэння табельнай міліцыянер можа пачынаць паўнавартасную службу. Наваспечаныя вартавыя парадку, якія сёння прынялі прысягу, праходзяць першапачатковую падрыхтоўку на месцы службы - гэта значыць, асвойваюць прафесію не толькі ў тэорыі, але і ў рэальных умовах. Пакуль гэта эксперымент мінскай міліцыі. Ад яго вынікаў будзе залежаць, ці атрымае развіццё такі фармат навучання ў будучыні.