II Еўрапейскія гульні - час яркіх эмоцый. У сацыяльных сетках з'яўляецца ўсё больш пазітыўных здымкаў спартсменаў...
Прадстаўніцы Славеніі, якія сёння, дарэчы, адзначаюць Дзень незалежнасці, жадаюць усім у новым дні ззяць гэтак жа, як іх медалі. Грэчаскія атлеты дзеляцца сваёй прамяністай усмешкай з цырымоніі ўзнагароджання. Не абыходзіцца і без камічных момантаў.
Дацкі гулец у бадмінтон ахвотна дзеліцца іранічнымі здымкамі ў "Інстаграме". А нідэрландскі фатограф, які прыехаў у Беларусь на II Еўрапейскія гульні дзеля папаўненні скарбонкі спартыўнымі момантамі, план выконвае. У яго акаўнце - моманты спаборніцтваў, часам занадта сур'ёзныя, але нярэдка зараджаныя пазітывам.
Яркія імгненні не абыходзяцца без яркіх перамог. Беларуская зборная па баскетболе 3х3, якая стала чэмпіёнам, дзеліцца шчырай радасцю і падзякай за падтрымку.
У сацыяльных сетках з'яўляецца ўсё больш здымкаў II Еўрапейскіх гульняў
25 июня 2019