Сёння ў самым статусным будынку краіны - у Палацы Незалежнасці - было звонка ад дзіцячых галасоў.
Шоу-праграма "Вясёлы Новы год". У ёй прынялі ўдзел дзеці з няпростымі лёсамі - сіроты, выхаванцы апякунскіх, прыёмных, шматдзетных сем'яў. Усяго дзве з паловай сотні гасцей з Брэсцкай, Віцебскай, Гомельскай, Гродзенскай абласцей ва ўзросце ад 7 да 12 гадоў. Яны спявалі, танцавалі, удзельнічалі ў віктарынах, майстар-класах і конкурсах. Святочнаму настрою спрыяла навагодняе ўбранне: Палац Незалежнасці пышна ўпрыгожаны елкамі, гірляндамі, агнямі. Акрамя вядомых мультыплікацыйных персанажаў, перад дзецьмі выступілі цыркавыя артысты, тэатр ценяў, ажыўшыя скульптуры.
Пасля завяршэння свята дзеці атрымалі падарункі ад Кіраўніка дзяржавы. Сённяшняя шоу-праграма стала фінальнай у гэтым сезоне, праект рэалізуецца ў рэзідэнцыі Прэзідэнта ўпершыню. Толькі за апошнія 2 дні Новы год у Палацы Незалежнасці адсвяткавалі 5 сотняў дзяцей.
