Спецыялісты Адміністрацыі Прэзідэнта працягваюць выязныя прыёмы грамадзян у рэгіёнах. Так, у праблемных сітуацыях жыхароў Вілейкі сёння разбіраўся памочнік Прэзідэнта - інспектар па Мінскай вобласці Ігар Яўсееў. Частка пытанняў датычылася маёмасных і зямельных спрэчак, а таксама дзяржпадтрымкі пры пагашэнні банкаўскага крэдыту. Іх Ігар Яўсееў узяў на асабісты разгляд і кантроль. Іншыя вырашыліся на месцы. Напрыклад, жыхары Вілейкі папрасілі дадаткова добраўпарадкаваць возера ў прыгарадзе для купання і адпачынку. Была і просьба ад аўтамабілістаў удасканаліць святлафор на адным са скрыжаванняў. У час пік нават у невялікім райцэнтры бываюць істотныя заторы. Гэтае пытанне таксама звязана і з бяспекай пешаходаў.
Усяго падчас прыёму ў Вілейцы Ігар Яўсееў разгледзеў дзясятак пытанняў. Рашэнні па ўсіх узятыя на кантроль.
У праблемных сітуацыях жыхароў Вілейкі разбіраўся інспектар па Мінскай вобласці Ігар Яўсееў
15 октября 2019