У праваслаўным календары - Вялікая пятніца

Самая строгая - Вялікая - пятніца сёння ў праваслаўных. Згодна з Бібліяй, менавіта ў гэты дзень быў распяты Ісус Хрыстос. Вернікам рэкамендуюць устрымацца ад прыбірання, забаў і прыняцця ежы. У храмах у Вялікую Пятніцу літургіі не праводзяць, але абавязковыя утрані і вячэрні з вынасам Плашчаніцы і чынам яе пахавання.

Такія службы пройдуць сёння і ў Свята-Духавым кафедральным саборы Мінска. Свяшчэннікі заклікаюць далучыцца да малітваў у прамым эфіры. Тэлеканал "Беларусь 3" будзе весці трансляцыю службаў у рэальным часе а 14-й і 19-й гадзінах.

Сыходжанне Жыватворнага агню ў храме Гроба Гасподняга ўбачым у прамым эфіры на "НТБ-Беларусь" заўтра. Трансляцыя з Іерусаліма пачнецца ў 13:00! 

Нашы калегі - тэлеканал СТБ - пакажуць велікоднае богаслужэнне са Свята-Успенскага манастыра ў Жыровічах. Пачатак у 23:30. Галоўнае набажэнства на Светлае Хрыстова Уваскрэсенне паводле традыцыі на "Беларусь 1" і "Беларусь 24" адбудзецца бліжэй да паўночы.