Дзень абаронцаў Айчыны - адзінае свята для Беларусі і Расіі. У пасольстве нашай краіны ў Маскве адбыўся традыцыйны прыём у гонар 23 Лютага. Госці - акрэдытаваныя ў Расіі ваенныя аташэ дыпламатычных прадстаўніцтваў Арменіі, Балгарыі, Сербіі, Даніі, Індыі, Нікарагуа, Паўднёва-Афрыканскай Рэспублікі, ЗША, Вялікабрытаніі, Кітая, краін Балтыі і СНД, а таксама ветэраны Вялікай Айчыннай вайны. Як адзначылі прысутныя, сёння Беларусь – надзейны пункт апоры бяспекі ў рэгіёне. Краіна здольная супрацьстаяць любой знешняй агрэсіі. Але яе галоўная мэта не нападаць, а супрацоўнічаць у ваеннай сферы з саюзнікамі ў рамках АДКБ і СНД і перш за ўсё з братэрскай Расіяй.
Рыгор Рапота, Дзяржсакратар Саюзнай дзяржавы: "Падчас такога свята ў першую чаргу хочацца пажадаць міру, каб Узброеныя сілы, знаходзячыся ў высокай ступені гатоўнасці, не былі вымушаныя прымяняць свае ўменні ў рэальнай сітуацыі, таму што гэта заўсёды звязана з чалавечымі жыццямі, з крывёй, болем. Вайна - справа дрэнная, таму хочацца пажадаць міру, а росквіту мы заўсёды жадаем".
Свята ўпрыгожыла выступленне беларускіх артыстаў. Яны выканалі вядомыя творы беларускіх і расійскіх кампазітараў.
