Ад прадаўжэння працоўных кантрактаў да льгот маладым спецыялістам. Сёння кожны можа атрымаць бясплатную кансультацыю па пытаннях абароны працоўных і сацыяльна-эканамічных правоў. У апошні чацвер месяца ў Беларусі праходзяць прафсаюзныя прыёмы. На прамой сувязі з грамадзянамі краіны прававыя інспектары, спецыялісты з Міністэрства працы і сацабароны.
Дзіяна Чупрына, галоўны прававы інспектар працы Беларускага прафсаюза работнікаў дзяржаўных і іншых устаноў: "На летні перыяд выязныя прыёмы былі прыпыненыя ў сувязі з адпускной кампаніяй. А ўжо з верасня іх работа аднавілася. Што я магу сказаць па прыёме ў кастрычніку? Раней прыёмы праводзіліся ў раённых і абласных аб'яднаннях прафсаюзаў. Прычым па ўсіх рэгіёнах краіны. А прыём у кастрычніку праводзіцца непасрэдна ў арганізацыях. Упершыню такая форма выязнога прыёму. Я думаю, гэта вельмі зручна для работнікаў".
