Урачыстыя лінейкі прайшлі ў больш як 3 тысячах беларускіх школ. У цэлым у гімназіі і школы прыйшло каля мільёна хлопчыкаў і дзяўчынак. Гэта на 13 тысяч больш, чым летась. За парты селі і 110 тысяч першакласнікаў.
У тым ліку і іх са святам 1 верасня павіншаваў Прэзідэнт Аляксандр Лукашэнка. Кіраўнік дзяржавы наведаў 13 мінскую школу-інтэрнат для дзяцей з парушэннем слыху. Гэта адна з найстарэйшых навучальных устаноў Мінска. Сёння ў 14-ці класах тут навучаюцца 120 дзяцей, прычым з усёй Беларусі. Кіраўнік дзяржавы азнаёміўся з умовамі пражывання, навучання, сацыяльнай і працоўнай інтэграцыі і, безумоўна, зазірнуў на ўрок да першакласнікаў. Кожнае дзіця атрымала ад Прэзідэнта кнігу - "Мая Радзіма - Беларусь". Яшчэ адзін падарунак для школы - мультымедыйны борд брэнда "Гарызонт". Праграмнае забеспячэнне інтэрактыўнай панэлі адаптавана для дзяцей з парушэннямі слыху.
Сёлета выдаткі дзяржавы на адукацыю складуць амаль 5 мільярдаў недэнамінаваных рублёў. Гэта 5 % ВУП. Дарэчы, у гэтым навучальным сезоне ў рукзаках школьнікаў з'явяцца 28 новых кніг. На старонках менш тэксту, больш карт, графікаў і дыяграм. Навінкі першымі ацанілі шасцікласнікі.
