У параднай калоне ў Дзень Незалежнасці гледачы ўбачаць і гонар беларускіх вайскоўцаў - "Шэршань". Гэта айчынная распрацоўка, якую ўпершыню прадставяць на платформе магутнага "Волата".
Інжынерныя рашэнні гэтага супрацьтанкавага ракетнага комплексу лічацца ўнікальнымі сярод канкурэнтаў. Сегмент рынку - адзін з самых хуткарослых у свеце.
Аляксандр Смірноў: "Здольнасць паражаць шырокі спектр цэляў зрабіў супрацьтанкавыя ракетныя комплексы адным з найболей масавых відаў узбраенняў. І за апошнія 60 гадоў яны выкарыстоўваліся практычна ва ўсіх узброеных канфліктах і лакальных войнах".
Віялета Сакаловіч: "Масавая вытворчасць і пастаўка ў войскі супрацьтанкавых ракетных комплексаў у краінах НАТА і СССР - гэта канец 50-х. І гэта былі комплексы першага пакалення, якімі складана было кіраваць па трох пунктах: вока, ракета, цэль. Гэта значыць, аператару трэба было сумясціць гэтыя тры пункты ўручную".
Беларускія супрацьтанкавыя ракетныя комплексы ўжо трэцяга пакалення. Гэта значыць - яны не патрабуюць удзелу аператара ў палёце ракеты, і таму іх завуць "стрэліў - забыў".
Гэта - "Шэршань". Б'е сапраўды ў цэль, як і насякомае, якім ён названы. За кошт арыгінальных тэхнічных рашэнняў пераўзыходзіць папярэднікаў.
На далёкасці да пяці кіламетраў можа ўразіць любую браняваную цэль. Прыцэльная далёкасць стральбы ў паўтара-два разы лепшая за танкавыя гарматы. Пры гэтым час палёту ракеты на максімальную адлегласць не больш як 24 секунды. А каб разгарнуць комплекс і прывесці ў баявую гатоўнасць, двум вайскоўцам патрэбныя ўсяго дзве хвіліны.
Высокую дакладнасць камплекту забяспечвае лазерная сістэма навядзення, абароненая ад перашкод. Прыбор распрацаваны на беларускім "Пеленгу". Ён можа знайсці цэль, захапіць яе. Той самы прынцып "бачу - страляю" і лазерна-прамянёвая сістэма кіравання даюць комплексу важкія перавагі.
Цеплавізары не дадуць выслізнуць цэлі нават ва ўмовах дрэннай бачнасці. І сёння - гэта адзіны прыбор навядзення ПТРК, у якога ёсць убудаваны лазерны далямер. Плюс да таго - ёсць магчымасць змяніць цэль для ракеты, калі з'явіцца побач больш сур'ёзная небяспека.
Рынак супрацьтанкавых ракетных комплексаў - адзін з самых хуткарослых. І Беларусь - у ліку сусветных лідараў. Гэта пацвярджае і высокая цікавасць да беларускага "Шэршню".
