Арганізацыі аховы здароўя ў навагодні і калядны перыяд дадаткова ўкамплектаваны спецыялістамі і гатовы працаваць ва ўзмоцненым рэжыме. У месцах святочных мерапрыемстваў дзяжураць брыгады хуткай меддапамогі. І каб нікуды ў навагоднюю ноч не спазніцца, скарэкціраваны рух грамадскага транспарту сталіцы.
Аўтобусы, тралейбусы і трамваі ў ноч на 1 студзеня будуць працаваць да 5 гадзін. Асноўныя маршруты звяжуць цэнтр Мінска і мікрараёны - Малінаўку, Чыжоўку, Шабаны, Курасоўшчыну і нават Новую Баравую. Апошнія пасажыры метро змогуць трапіць у падземку да 4-х гадзін раніцы.
З сённяшняга дня змяняецца і час стаянкі апошніх цягнікоў на перасадачных станцыях метро “Купалаўская” і “Кастрычніцкая”. Каб паспець перасесці на іншую лінію, у пасажыраў цяпер тры хвіліны.
