У Музеі Вялікай Айчыннай вайны прэзентавалі выданне аб лёсе аднаго з найбуйнейшых лагераў савецкіх ваеннапалонных

17 Мая 2019

Вытрымкі часопіса баявых дзеянняў 286-й ахоўнай дывізіі і пратаколы апытання салдат Вермахта ўпершыню сабралі ва ўнікальным навуковым выданні пра Шталаг 352 у Масюкоўшчыне. У Музеі Вялікай Айчыннай вайны прэзентавалі выданне аб лёсе аднаго з найбуйнейшых лагераў савецкіх ваеннапалонных. Аўтары выдання на 500 старонак - непрафесійныя гісторыкі. Яны інтэрв'юравалі вязняў лагера і некалькі гадоў асабіста вывучалі дакументы ў нямецкіх архівах.

Кнігу перадалі ў архіў музея. Усяго выдадзена 99 экзэмпляраў на рускай і нямецкай мовах. На старонках апублікаваны даведнік па былым ваенным гарадку Масюкоўшчына, фатаграфіі і копіі дакументаў, што знаходзяцца толькі на тэрыторыі Германіі. Нагадаем, масавае пахаванне на месцы Шталага 352 адшукалі ў 1990 годзе.