Падняцца ў неба на паветраным шары, невялікім самалёце або мотадэльтаплане у гэтыя выхадныя можна пад Мінскам.
У Музеі народнай архітэктуры і побыту ў суботу і нядзелю пройдзе «Улётны фэст». Арганізатары - прафесійныя пілоты - прапаноўваюць акунуцца ў атмасферу 30-60-ых гадоў і адчуць сябе рэтралётчыкам. На фэсце можна будзе разам з дзецьмі запусціць папяровую ракету і сканструяваць кардонны самалёт. А для дарослых будуць арганізаваны палёты над ваколіцамі Мінска.
Фестываль пачнецца апоўні ў суботу. Уваход для дарослых будзе каштаваць 12 рублёў, для школьнікаў - 6.
