Бесперапынны ў Маскве снегапад стаў прычынай адмены і затрымкі дзясяткаў рэйсаў. Перанесены вылеты і ў беларускую сталіцу. Каб ачысціць узлётныя палосы маскоўскіх аэрапортаў ад снегу, на службу былі выведзены сотні людзей. У Дамадзедаве пасажыраў самалёта авіякампаніі "Азур Эйр" не выпускалі з абледзянелага лайнера на працягу пяці гадзін. Акалічнасці таго, што здарылася, высвятляюцца.
За мінулыя суткі ў расійскай сталіцы выпала больш за 20 працэнтаў ад нормы студзеньскіх ападкаў. Сіноптыкі прагназуюць завею і сёння.
