У Маскве паралельна з Масленіцай праходзіць Тыдзень беларускай кухні

12 Сакавіка 2016

Дранікі, аўсяны кісель і "Лявоніха". У Маскве адзначылі беларускую Масленіцу. Замест традыцыйных бліноў - бліны бульбяныя. Масквічам і гасцям сталіцы яны спадабаліся, бо ў Беларусі дранікі гатуюць па асаблівым рэцэпце. У адрозненне ад Расіі і Украіны ў іх не дадаюць муку. Ніякіх лішніх калорый, у той жа час сытна і смачна. Дарэчы, як паказала практыка, дранік можа стаць паспяховым фарматам стрытфуда. Але сапраўдны гастранамічны фурор зрабіў аўсяны кісель. Яго тонкі смак і карысныя ўласцівасці ацанілі нават прафесійныя кухары.

Ксенія Вяцкая, трэнер па здаровым харчаванні, Беларусь: "Мы ўпершыню тут далі паспрабаваць маладым людзям кісель, зроблены не на крухмале, а толькі на аўсе і ягадах. І проста фурор! Усе заказваюць і заказваюць. Асабліва, гавораць кухары, вечарам п'юць, прыходзяць на сняданак і дапіваюць гэты аўсяны кісель. І масквічы пачынаюць дзень з нашага беларускага аўсянага кісялю, і мы шчаслівыя. Паралельна з Масленіцай у Маскве праходзіць Тыдзень беларускай кухні. Каля 20 рэстаранаў сталіцы на 7 дзён перайшлі выключна на беларускае меню. Гарохавыя бліны, верашчака з баравікамі, зацірка, пернікі і, вядома, жур - хлебны суп на жытняй заквасцы".

Валерый Казакоў, памочнік паўнамоцнага прадстаўніка прэзідэнта Расіі ў Сібірскай федэральнай акрузе: "Зараз Масленіца, гэта важнае свята што для беларусаў, што для ўкраінцаў, што для расіян. Таму з'явілася такая ідэя - зрабіць беларускія дранікі ва ўкраінскай карчме для тых людзей, якія жывуць у Расіі. Каб усё ўбачылі, што нас аб'ядноўвае не толькі сяброўства паміж дзяржавамі, але і ежа, танцы, усё."

Беларусы масквічоў не толькі частавалі, але і забаўлялі. Вучылі спяваць "Лявоніху" і вадзіць карагоды. Тыдзень беларускай кухні прадоўжыцца ў Маскве да 18 сакавіка, так што хто не паспеў пакаштаваць нашу нацыянальную кухню, яшчэ ёсць час.