Каб кожны пацыент мог атрымаць своечасовую дапамогу, медыкам неабходна правільна размяркоўваць сілы. Так, у Магілёве гарвыканкам прыняў рашэнне ўвесці абавязковы масачны рэжым, што дапоўніць комплексны план мерапрыемстваў па прафілактыцы распаўсюджвання COVID-19. Гэта дазволіць не толькі засцерагчы людзей ад інфекцыі, але і не дапусціць перагрузкі сістэмы аховы здароўя.
Ірына Бас, намеснік галоўнага ўрача Магілёўскай інфекцыйнай бальніцы: "У нас на амбулаторным этапе ўжо створаны мабільныя групы. Гэтыя групы будуць узмоцненыя для таго, каб тыя пацыенты, якія праходзяць амбулаторнае лячэнне, былі пад пастаянным медназіраннем. І пры з'яўленні такіх сімптомаў, як ускладненае дыханне або задышка, узмацненне кашлю, устойлівая тэмпература, якая не зніжаецца гарачкапаніжальнымі прэпаратамі, яны ўжо былі накіраваныя для правядзення стацыянарнага лячэння".
Рэгіянальныя штабы па рэагаванні на сітуацыю з COVID-19
Нагадаем, па даручэнні кіраўніка дзяржавы ў кожнай вобласці будуць створаны рэгіянальныя штабы па рэагаванні на сітуацыю з COVID-19, у якія ўвойдуць лепшыя ўрачы-інфекцыяністы, навукоўцы і іншыя спецыялісты.
