Спаборніцтвы сярод майстроў стартавалі восенню. Ужо выбралі пераможцаў больш чым у 20 намінацыях. У найбліжэйшы час адборы пройдуць сярод геадэзістаў, сантэхнікаў і электраманцёраў.
Згодна з умовамі конкурсу, на рэспубліканскім этапе Мінскую вобласць прадставяць больш за 30 чалавек у 31 кампетэнцыі. Хто ўжо рыхтуецца да рэспубліканскага этапу - у нашым сюжэце.
Тэхніку нарэзкі Алеся Шылец цяпер адточвае кожны дзень. Шаткаваць цыбулю неабходна пад правільным вуглом і з пэўнай хуткасцю. Менавіта на такія параметры зважае прафесійнае журы конкурсу WorldSkills. Алеся ўжо абышла з дзясятак канкурэнтаў у Мінскай вобласці, здзівіўшы журы нестандартнай падачай стравы. Цяпер рыхтуецца да рэспубліканскага фіналу.
Да абласнога этапу конкурсу навучэнка трэцяга курса Смілавіцкага ліцэя рыхтавалася некалькі месяцаў. Самастойна распрацоўвала рэцэптуру і падачу страў. Цяпер чарга за меню на фінал, але сакрэтныя інгрэдыенты повар пакуль не раскрывае.
Валерыя Палятаева таксама пакуль не паказвае фінальныя лякалы жакета. Заданне прафесійнага конкурсу ў вобласці, сцвярджае навучэнка Барысаўскага каледжа, амаль не адрозніваецца ад задачы на фінал. Галоўнае - тэхніка кройкі і роўная строчка.
Прафесію швачкі Валерыя Палятаева атрымала год таму, зараз вучыцца на цырульніка. Сёлета яна заканчвае каледж у Барысаве. І ў арсенале маладога спецыяліста будуць адразу дзве прафесіі і магчыма перамога ў рэспубліканскім фінале WorldSkills.
Сярод лепшых навучэнцаў-цырульнікаў у вобласці Марыя Казыра. Зараз у майстра чарга з кліентаў-аднакурснікаў. Але студэнтку трэцяга курса такі ажыятаж толькі натхняе на новыя перамогі. Наперадзе ў Марыі таксама рэспубліканскі этап WorldSkills.
Адборы лепшых па прафесіі сярод навучэнцаў у вобласці пачаліся яшчэ восенню. Конкурсы праходзілі спачатку ў кожным раёне. На абласным этапе ўжо спаборнічалі каля 200 навучэнцаў. Перамогу і права прадстаўляць Мінскую вобласць у фінале атрымалі два дзясяткі канкурсантаў.
У Мінскай вобласці працягваюцца адборачныя этапы конкурсу WorldSkills
26 февраля 2020