18 чалавек, якім споўнілася 18, роўна а 18-й гадзіне зрабілі свой выбар. Такая сімвалічная магія лічбаў адбылася ў Мінскім абласным каледжы. Прагаласаваць сябры і аднагрупнікі вырашылі незвычайна, каб зрабіць свае першыя выбары ў жыцці запамінальнымі.
А сёння моладзь цэнтральнага рэгіёна разам з артыстамі, журналістамі і прадстаўнікамі ўлады абмеркавала мясцовыя выбары і ролю сучаснага пакалення ў іх правядзенні. Студэнты, навучэнцы каледжаў і маладыя спецыялісты падзяліліся сваім бачаннем ролі дэпутатаў у грамадскім жыцці.
У Мінскай вобласці каля 11 тысяч маладых людзей галасуюць упершыню. Гэта крыху больш за 1 % ад усіх выбаршчыкаў у рэгіёне.
У асноўны дзень галасавання, 18 лютага, усіх, хто прыйдзе на выбары, чакае разнастайная культурная праграма. Артысты і мастацкія калектывы выступяць амаль на ўсіх выбарчых участках. Арганізаваны будзе і святочны гандаль, асабліва хлебасольны, бо выбары супадаюць з народным святам Масленіцай.
Паслухаць выступленні мастацкіх калектываў і паўдзельнічаць у святочнай праграме можна будзе ў гэту нядзелю.
