Зрабіць гэта раней за запланаваны тэрмін дазволіла цёплае надвор'е. Зараз у распараджэнні адпачывальнікаў некалькі дадатковых горак і два адкрытыя басейны.
Наш карэспандэнт Якаў Бута даведаўся, як выратавацца ад спякоты, не выязджаючы за кальцавую. Група падтрымкі ice girls, якая падчас хакейных матчаў падбадзёрвае пятнаццацітысячную Мінск-Арэну, ужо два тыдні адпачывае таксама разам.
Дзяўчаты з каманды чэрлідынга вырашылы адразу пакарыць адну з самых крутых горак аквапарка. Актыўна адпачываюць у Лебядзіным і госці чэмпіянату свету па хакеі. Аквапарк знаходзіцца недалёка ад Мінск-Арэны. Гэты раён добра знаёмы замежным балельшчыкам.
Адкрыцця аквапарка чакалі па ўсёй краіне, таму сярод першых наведвальнікаў шмат прыезджых.
Адначасова ў аквапарку могуць знаходзіцца амаль дзве тысячы чалавек. Але ў будныя дні людзей менш. За тэхнікай бяспекі сочаць дваццаць чатыры чалавекі.
Кіраўніцтва аквапарка ў пастаянным кантакце з наведвальнікамі. Прыслухоўваюцца да ўсіх пажаданняў і аналізуюць кожны водзыў у сацыяльных сетках.
Зараз у аквапарку трынаццаць водных атракцыёнаў. Штучныя хвалі, трэнажоры для сёрфінгістаў, фантаны, гідрамасажы, а з выхадных працуе і адкрытая аквазона.
Спякота, якая літаральна накрыла Мінск апошнія некалькі дзён, дазволіла раней за запланаваны тэрмін запусціць летнюю частку аквапарка. Два адкрытыя басейны і чатыры горкі ўжо працуюць на поўную сілу.
Але з размахам сезон адкрыюць 31 мая, у апошні дзень вясны. Маштабнае шоу скончыцца толькі ў пяць раніцы. Дарэчы, начныя вечарынкі тут абяцаюць ладзіць пастаянна.