У Мінскім аэраклубе ДТСААФ прэзентавалі новы амерыканскі верталёт Rоbinson-44-Raven.
Такая машына ў Беларусі - адзіная, яе набылі ў рамках дзяржпраграмы для развіцця верталётнага спорту і авіятурызму. Плануецца, што машына ўвойдзе ў склад будучага навучальнага цэнтра, які будзе падаваць платныя паслугі па падрыхтоўцы спецыялістаў лёгкіх, звышлёгкіх і беспілотных лятальных апаратаў. Новы верталёт пераўзыходзіць Мі-2. Зараз беларускія пілоты змогуць дамагчыся яшчэ лепшых вынікаў на турнірах.
Андрэй Гарбатоўскі, намстаршыні цэнтральнага савета ДТСААФ Беларусі:
"Апошні час склалася такая сітуацыя, калі Мі-2 выцясняюцца Робінсанамі, і ў міжнародных спаборніцтвах усё часцей і часцей не выкарыстоўваюцца Мі-2. Гэта не дазваляе нашым спартсменам удзельнічаць у міжнародных спаборніцтвах, адпаведна перамагаць".
Сёння ў склад ДТСААФ уваходзяць 6 аэраклубаў. Увесь лётны склад авіяцыі - гэта лётчыкі першага і другога класа. ДТСААФ рыхтуе ўсіх ваенных лётчыкаў краіны.
