На кожным такім аб'екце знайшлі недахопы. Але галоўная праблема гаражных майстроў - гэта няплата падаткаў. З 1 студзеня павінен уступіць у сілу фіксаваны падатак для працаўнікоў аўтасэрвісу колькасцю да 15 чалавек. Зараз падобныя праверкі патрэбныя для маніторынгу нелегальных аб'ектаў, а ў далейшым плануюць перавесці народных майстроў у ранг афіцыйных. Як будуць ісці справы з шэрымі СТА?
Рэпартаж Дзмітрыя Цітова.
Паводле ацэнак спецыялістаў, 50% CТА працуюць нелегальна ў гаражных кааператывах. Створаная камісія за гэты год праверыла ўжо 5 такіх аб'ектаў. Самая галоўная праблема - гэта адсутнасць прапускной сістэмы. І, як бачым, на гэтым аб'екце таксама няма шлагбаума.
Атрымліваецца, што паўтара мільёна аўтамабіляў абслугоўваюць на шэрых СТА. Паводле інфармацыі Міністэрства гандлю, аўтапарк Беларусі налічвае парадку 3 мільёнаў машын. Гаражныя кааператывы зараз нагадваюць бясплатныя стаянкі без шлагбаума і там жа пад кузавамі аўтамабіляў працуюць залатыя рукі, праўда, нелегальна.
Тур па гаражах сталіцы ініцыяваў гарвыканкам, стварыў спецыяльную камісію ад падаткавікоў да энерганагляду. Усе за легалізаванне паслуг аўтасэрвісу ў гаражных кааператывах. Мінгандлю распрацавала ўказ, які ўжо знаходзіцца на разглядзе ў Савеце Міністраў.
Тыя, хто гоніцца за кліентамі, пачуўшы аб праверках кааператываў, зачыняюць на час гаражныя вароты. Паводле слоў працаўнікоў легальных СТА, асабісты майстар, які перабірае рухавік сваімі рукамі, нікуды не дзенецца. Бой дадуць нядбайным механікам.
Пераважная большасць СТА ў індывідуальных прадпрымальнікаў - амаль 40%, ім складаюць канкурэнцыю нелегалы - больш за 20%, зусім побач аўтааматары, якія любяць самі працаваць у гаражы. Прагназуюць, што да 2020-га года ўсё больш вадзіцеляў будзе заязджаць у буйныя аўтакомплексы, на другое месца перамесцяцца ІП, а ад ценявых аўтасэрвісаў амаль нічога не застанецца. Фірмовыя СТА па-ранейшаму будуць на апошнім месцы.
Эксперты параўноўваюць аўтасэрвісы з рынкам гандлёвых паслуг. Прапаноўваюць легалізаваць паступова. Будаваць вялікія аўтакомплексы, але і не забываць аб сэрвісах крокавай даступнасці.
У сярэднім на адзін аб'ект аўтасэрвісу прыпадае ледзь больш за 850 аўтамабіляў. Дадзены паказчык на 5% вышэйшы, чым у Расійскай Федэрацыі. Але ў гэты спіс не ўваходзяць нелегалы. Зрэшты, праверкі гаражных кааператываў працягваюцца. Камісія абяцае капаць глыбей і перавесці кулібіных у шэрагі афіцыйных працаўнікоў.
