Да ўдзелу ў гэтым прафесійным спаборніцтве былі запрошаныя лепшыя майстры з усіх абласцей краіны. Высокі градус спаборніцтву надавала не толькі чэрвеньскае надвор'е, але і спаборніцкі напал. Умовы мерапрыемства сёлета ўзмацнілі жорсткасць, але парадавалі прызавым фондам. Аб прафесійнай барацьбе ўдзельнікаў конкурсу рэпартаж Юліі Плытнік.
Плітачнік з Полацка Аляксей сем гадоў займаецца любімай працай. Укладваць плітку, паводле яго слоў, справа нялёгкая, але добры вынік - лепшая ўзнагарода для любога будаўніка. На конкурс прыехаў упершыню, каб прадэманстраваць свае навыкі.
Прафесійны вопыт іграе толькі на руку майстру - шматлікія прыязджаюць на спаборніцтвы не першы раз. Заданне арганізатары конкурсу сёлета прыкметна ўскладнілі, бо на кон пастаўлена 20 мільёнаў рублёў - іх забярэ пераможца. Фіналістам дастанецца па 7 мільёнаў беларускіх рублёў.
Стварыць кампазіцыю з пліткі - такое заданне атрымалі ўдзельнікі конкурсу. За пяць гадзін трэба зрабіць вось такую канструкцыю. Працуюць плітачнікі умела, засталося ўсяго тры гадзіны.
Рэспубліканскі конкурс плітачнікаў праходзіць у Мінску ўжо пяты раз. Гэтая прафесія зараз у тройцы самых прэстыжных і аплачваных у будаўнічай сферы. Больш за 400 чалавек адправілі свае заяўкі на ўдзел, але адабралі ўсяго 6 майстроў з абласцей і аднаго са сталіцы.
Упершыню арганізатары прыдумалі праграму з удзелам танцавальных груп, розыгрышам латарэй і конкурсамі для журналістаў.
Наталля Баранава, начальнік аддзела продажаў і маркетынгу СТАА Хенкель Баўтэхнік: Сёлета мы памянялі канструкцыю фіналу. 4 гады ў нас была адна канструкцыя. Сёлета мы вырашылі, што прафесіяналізм удзельнікаў вырас да такой ступені, што, як адзначае наша прафесійнае журы, мы можам зрабіць канструкцыю больш складаную.
Планы на наступны год пакуль не раскрываюць. Пасля конкурсу плітачнікі ад'язджаюць не толькі з падарункамі, але і з новымі прапановамі па працы.
