У Мiнску сёння дадуць Венскі баль

Сёння ў Палацы Незалежнасці дадуць Венскі баль. Напярэдадні ў беларускую сталіцу прыбылі шэсць дэлегацый. Гэта студэнты вышэйшых навучальных устаноў і тыя, каму яшчэ трэба выбраць прафесію. Кожны ўжо дабіўся асаблівых поспехаў у вучобе, творчасці, стаў удзельнікам сацыяльна значнага праекта і паказаў сябе ў вялікім спорце. Сёння гэтая прыгожая традыцыя - аб'ект нематэрыяльнай культурнай спадчыны ЮНЕСКА. Першымі на паркет выйдуць дэбютанты, менавіта яны ўрачыста адкрыюць баль. Адначасова ў паланэзе пад акампанемент  Прэзідэнцкага аркестра закружацца 72 пары. 

Суправаджаць баль будуць распарадчык і танцмайстар. На балі можна будзе ўдасканаліць свае харэаграфічныя навыкі. Тут правядуць майстар-клас па левабаковым вальсе, а следам  пройдзе  адвольная частка: бальныя гульні і гасцявыя нумары. У венскім вальсе закружацца 187 пар.