90% усіх цяжкіх злачынстваў раскрываецца супрацоўнікамі міліцыі. Такія лічбы прагучалі сёння на мерапрыемстве, прысвечаным 100-годдзю крымінальнага вышуку. Як адзначыў міністр унутраных спраў Беларусі Ігар Шуневіч, служба ў гэтым падраздзяленні з'яўляецца элітнай. За векавую гісторыю яна ператварылася ў сур'ёзны інструмент у дзяржаве па раскрыцці і прадухіленні злачынстваў. Падраздзяленне валодае досведам і ўсім неабходным тэхнічным абсталяваннем, каб адэкватна рэагаваць на ўсе выклікі і пагрозы крымінальнага свету.
Ігар Шуневіч, Міністр унутраных спраў Рэспублікі Беларусь: "Пэўна, сёння гэта адна з лепшых служб не толькі ў нашым міністэрстве, але і сярод аналагічных ведамстваў суседніх дзяржаў. Я гэта гавару з поўнай адказнасцю, ведаючы і статыстыку працы, і структуру, і кадравы складальнік гэтай службы. І яна, як заўсёды, застаецца моцная сваімі традыцыямі, ветэранамі, якія назаўжды ў страі. Таму што, калі супрацоўнік стаў аднойчы операм, то ім ён застанецца да канца жыцця. Гэта самае галоўнае".
Сёння на плошчы Дзяржаўнага флага прайшла цырымонія ўручэння флага падраздзяленняў крымінальнага вышуку - органаў унутраных спраў Беларусі.
