У Мінску прайшоў першы прагон парада ў гонар 75-годдзя Перамогі

Ваенны парад, прымеркаваны да 75-гадовай гадавіны Перамогі савецкага народа ў Вялікай Айчыннай вайне, адбудзецца 9 мая ў вячэрні час. Аб гэтым сёння журналістам распавёў намеснік міністра абароны Сяргей Патапенка. 

Першы прагон парада прайшоў сёння ў Мінску. Па традыцыі адчаканіць крок выйшлі пешыя калоны і рота ганаровай варты. Плануецца, што ўдзел прымуць 22 пешыя парадныя разлікі. Усяго больш як 3 тысячы вайскоўцаў. Запланавана, што каля стэлы "Мінск - горад-герой" сёлета праедзе больш як 180 адзінак тэхнікі. Прычым усе машыны гэта новыя або мадэрнізаваныя распрацоўкі.

Сяргей Патапенка, намеснік міністра абароны Беларусі: "Парад плануецца правесці ў вячэрні час у традыцыйным фармаце з удзелам паветранага эшалона, механізаванай і пешай калон. Час правядзення - да 60 хвілін. Практычна ўся тэхніка будзе на колах. Адзін толькі парадны разлік будзе гусенічны".

Закрываць парад будзе паветраны складальнік. Плануецца, што над стэлай "Мінск - горад-герой" праляцяць 42 паветраныя судны. Пасля гэтага на пляцы выступіць рота ганаровай варты.