Удзельнікамі сталі лепшыя каманды з дзевяці раёнаў сталіцы. Прадстаўнікі школ і гімназій праверылі свае веды ў шасці турах. Квіз - гэта своеасаблівая гімнастыка для мозгу. Трэба знайсці адказы на тэму гісторыі, грамадства, музыкі, мастацтва і іншых.
Аляксандр Бабарыкін, культарганізатар Мінскага дзяржаўнага палаца дзяцей і моладзі: "Гэта віктарына ў стылі брэйн-рынг, але ў сучасным фармаце з выкарыстаннем тэхнічных прылад і гаджэтаў, сучасныя пытанні. Гэты конкурс ужо заваяваў сэрцы ўдзельнікаў. Яны абмяркоўваюць, удзельнічаюць і рыхтуюцца. Я ведаю, што на раённых этапах гэты конкурс ужо зрабіў эфект бомбы, што разарвалася. Гэты конкурс праходзіць упершыню, мы спадзяёмся, што ён стане добрай традыцыяй".
Ульяна Стаўрова, капітан каманды Партызанскага раёна г. Мінска: "Спачатку праходзіў раённы этап, мы занялі першае месца і так трапілі на горад. Рыхтаваліся, паўтаралі даты асноўныя, эмблемы".
Іван Баяровіч, капітан каманды Маскоўскага раёна г. Мінска: "Я вельмі люблю мерапрыемствы такога тыпу, стараюся іх не прапускаць. Наогул мне вельмі падабаецца такі фармат сустрэч".
Фінал спаборніцтва адбудзецца 13 лютага. Каманды, якія зоймуць прызавыя месцы, атрымаюць медалі і падарункі.
