Кібертэрарызм, абарона персанальных звестак і сучасныя працэдуры збору электронных доказаў. Гэтыя і іншыя тэмы абмеркавалі праваахоўнікі больш чым з дзесяці краін свету ў Мінску.
Канферэнцыя міжнароднай асацыяцыі пракурораў заклікана аб'яднаць намаганні краін у барацьбе са злачынствамі ў Сетцы. Паводле слоў экспертаў, гэтая тэма на сённяшні дзень найбольш актуальная - колькасць злачынстваў у IT-сферы з кожным годам павялічваецца. Асноўная задача асацыяцыі - быць гатовымі да новых выклікаў.
Аляксандр Канюк, Генеральны пракурор Беларусі: "Пытанні кіберзлачыннасці, якія сёння з'яўляюцца найболей актуальнымі, інфармацыйнай бяспекі, інтэрнэт-супольнасці - будзем разглядаць. Падзелімся вопытам, які ў нас ёсць, які ёсць вопыт у Еўропе. Шмат вельмі паняццяў на сёння прыходзіцца вывучаць. Біткоін, крыптавалюты, гэта значыць гэта рэчы, якія ўжо ўваходзяць у наша жыццё, таму што крыптавалюта - гэта сур'ёзная рызыка сыходу ад падаткаў. Ну і гэтак далей".
Герхард Яраш, кіраўнік Міжнароднай асацыяцыі пракурораў: "Пракурорам неабходна разумець такія злачынствы, таму што мы разбіраемся не так добра ў тэхніцы, праграмным забеспячэнні. Таму пракурорам неабходна разабрацца, як гэта працуе. Тэма вельмі актуальная, бо ў будучыні кіберзлачынцы змогуць зарабляць мільярды долараў, і мы павінны быць гатовыя да гэтага".
Міжнародная асацыяцыя пракурораў створаная ў 1995 годзе. У яе ўваходзяць больш за 180 праваахоўнікаў са 170-ці краін свету і амаль дзве тысячы экспертаў. З мінулага года Беларусь таксама стала паўнапраўным членам арганізацыі.
У Мінску праходзіць канферэнцыя Міжнароднай асацыяцыі пракурораў
4 июня 2019