Сёння ў Мінску прадоўжыліся абмеркаванні праблематыкі пытанняў смяротнай кары.
Міжнародныя эксперты пазнаёміліся з членамі рабочай групы - дэпутатамі Палаты прадстаўнікоў. Паводле слоў гасцей, гэты візіт у Беларусь прадугледжвае распаўсюджванне інфармацыі па пытаннях, звязаных з выключнай мерай пакарання. Аб тым, як яны вырашаюцца ў іншых краінах, напрыклад, як такая мера ўздзеяння ўплывае і ці ўплывае на злачыннасць у цэлым. Таксама бакі абмеркавалі пытанні рызык вынясенні памылковых прысудаў, права чалавека на жыццё, а таксама рэакцыя членаў сем'яў прыгавораных і ахвяр злачынстваў. Паводле слоў дэпутатаў, суадносіны меркаванняў па гэтым пытанні сярод грамадзян змяняецца.
Андрэй Навумовіч, дэпутат Палаты прадстаўнікоў Нацыянальнага сходу Беларусі:
"Даць адназначную адзнаку не прыходзіцца. Вось літаральна прыклад з Гродзенскага ўніверсітэта. Паднімаецца студэнтка і гаворыць: "Я за смяротную кару". Але разам з тым выкладчык, які прысутнічаў, сказаў, што ён больш схільны да пытання мараторыя. Таму сёння адназначна сказаць, як падыходзіць да гэтага пытання цяжкавата. Бо тут плюралізм меркаванняў".
Іван Шымановіч, дэлегат грамадскай арганізацыі "Міжнародная камісія супраць смяротнай кары":
"Камісія па процідзеянні смяротнай кары займаецца менавіта процідзеяннем такому пакаранню, але мы тут, каб інфармаваць беларусаў, каб людзі ў наступным самі прымалі рашэнне, як ім паступаць, як рухацца ў гэтым кірунку".
У далейшым рабочая група мае намер наведаць усе рэгіёны краіны. Эксперты і дэпутаты сустрэнуцца з мясцовымі ўладамі і жыхарамі абласцей.
