Больш за паўтысячы хвойных і вечназялёных раслін неўзабаве ўпрыгожаць галоўныя магістралі сталіцы - праспекты Незалежнасці і Пераможцаў, а таксама Дзяржынскага і Пушкіна. Пры гэтым высаджваць дрэвы будуць у спецыяльныя кантэйнеры, якія адпавядаюць стылістычнаму афармленню вуліц.
На вуліцах з’явіліся і вертыкальныя зялёныя кампазіцыі, а таксама рознакаляровыя пано. Да 950-годдзя Мінска высадзілі больш за мільён кветак.